شاعر تورط في شاعره ملكعه ؟؟؟؟

8 تاريخ التسجيل : 06/02/2011

قصـه الشـايب اللي تورط في شاعرهـ وملكعهـ
السلام عليكم ورحمة الله وبركاته
:
[color=brown]

القصه عن شايب اسمه حمدان وهواوي ( قلبه خضر :ما يشوف بنت الا ينفتن...

ومشهور بانه حبّيّب

وكان فيه بنت ملكعه وصاحبة مقالب قالت في نفسها انا ليه ما اروح للشايب وامزح معه

واضحكه شوي واشوف ردة فعله كيف تكون .

راحت له وسلمت عليه كيف حالك يا شايب رد السلام والله بخير الله يعافيس

وفجأه عطته ظهرها ومشت ولا استإذان ولا شي .....

ولع الشايب من حركتها ...

ثم قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت

باخوي حمود اللي في قبره ويذكر التاريخ واليوم اللي قابلها فيه ...

يقول الشايب :

يا بنت اخذي خاطري وارحمينـي ..!..!.. لا تجرحين العـود بعيونـك السـود

غضي نظـرك وغطـي الوجنتينـي ..!..!.. لعـل يـومٍ جـدد الجـرح مــا يـعـود

يوم انتهى مع مرمسـات السنينـي ..!..!.. جتني صواديفه على غير مقصود

باول شهـر عشـره نهـار الثنينـي ..!..!.. حمدان مروا به على جنازة حمود

البنت كانت تقصد من استفزازه انها تجاريه في الشعر وترد عليه والمسكين

ما كان يدري انها شاعره وعلى باله ما خذ راحته في التغزل .

ردت عليه وهزأته

تقول البنت

يا شايب الرحمن وينـك ووينـي ..!..!.. عزي لحالك قدمك الباب مسـدود

قلبك عطوف وجاه قلـبٍ متينـي ..!..!.. والبنت ما تشفق على مغازل العود

حبل الرجا مقطوع بينـك وبينـي ..!..!.. مثل الغليث اللي رعا قلبه الـدود

اقفى شبابـك والعـرب مقبلينـي ..!..!.. يا عود ما يرجع من العمر مفقود

حطمت حمدان يوم قالت له انك عود وان الشباب ما يرجع وان ما فيه امل تعطيه وجه ..

حس العود انه تورط وقال كم بيت يقول لها صدي عني انه ما يبي الغزل بعد ما وصل

عمره ثمانين سنه

يقول حمدان :

يا بنت صدي بالعيـون الظليلـه ..!..!.. لا صد عنك الله نهـار القيامـه

مالي ومالك يالفـروع الطويلـه ..!..!.. لو فيك من رسم البداوه علامـه

يابنت ما لـي بالثمانيـن حيلـه ..!..!.. اهدف كما تهدف على البير قامه

اقفى شبابي والدهر شفت ميلـه ..!..!.. يالله حسـن الخاتمـه والسلامـه

اعطيك موجز والبضاعـه قليلـه ..!..!.. واخذت لك من صافي الماء سنامه

بعد فتره مرته مره ثانيه ورمت عليه السلام واستفزته وراحت وخلته وولع الشايب..

وقال ليه ما ابين لها في كم بيت انها بتشيب مثلي واني رجال طيب وان الناس تنصاني

ومعروف بالكرم واني ما ابي منها غير التحيه والترحيب ...

يقول حمدان

يا بنت ما جاس الكبـر والخشونـه ..!..!.. وعادت شباب اليوم يجفل من الشيب

ياسرع مـا وبلـك تمـزع مزونـه ..!..!.. يالفاتنه يـا ام الثمـان الرعابيـب

يا بنت مـا بينـي وبينـك مهونـه ..!..!.. كلمة شرف نبـي تحيـه وترحيـب

الله مـن عـودٍ ثقيـلـه طنـونـه ..!..!.. ينصاه راع المشكلـه والمواجيـب

على الكرم والديـن نفسـه حنونـه ..!..!.. تلقـاه بالاجـواد شـرق وتغاريـب

جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه

وقالت مثل ما جيتي بابياته ترجعين بأبياتي ...

العجوز مسكينه قالت طلعيني ولا ابي منكم شي الله لا يعودكم انتم واوراقكم

ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف

تقول البنت

العود عود وطايحـاتٍ سنونـه ..!..!.. من كثر ما يرقد على جرة الذيب

عودٍ مهرقل والعرب ما يبونـه ..!..!.. ياعود ما لك في طويل المراقيب

اقفى شباب العود راحت حتونه ..!..!.. مثل اليتيم اللي بكا ما له مجيب

جداه ينثر دمعة ٍ مـن عيونـه ..!..!.. غريق موجٍ ما لقا له مقاضيـب

تقبلوآ أرق التحايا وأجلها

منقول ....................[/color]

ابو يارا
حلوة القصة اللي على نقاء

الله يعطيك العافية قصة رائعة في زمن النقاء

8 تاريخ التسجيل : 06/02/2011

اشكركم على المرور العطر دمتم ودامت افراحكم ...

8 تاريخ التسجيل : 02/02/2011

اشكرك ابو يارا على القصه والقصيده الجميله

كماعهدناك انت متميز وقلمك مميز

1 تاريخ التسجيل : 12/06/2012 الموقع : جده

تسلم يمينك
وبارك الله فيك

عودٍ مهرقل والعرب ما يبونـه ..!..!.. ياعود ما لك في طويل المراقيب

يسلمووووو يا ابو يارا في انتظار الجديد

4 تاريخ التسجيل : 06/02/2012 الموقع : بيشة

يسلم تمك يابو يارا بالشامي طبعاً !!!

والله ماكنت أدري إن فيه واحد إسمه الراوي محمد بن الشرهان إلا اليوم !

عموما عقبال ما توصل الثمانين وتعرف معاناة الشايب الحقيقية .
وبعدها عطنا خبر ....

مبدع تاريخ التسجيل : 05/04/2012 الموقع : hgokagdgi

اقفى شبابي والدهر شفت ميلـه ..!..!.. يالله حسـن الخاتمـه والسلامـه

اعطيك موجز والبضاعـه قليلـه ..!..!.. واخذت لك من صافي الماء سنامه

هل يتقبل مجتمعنا في الوقت الحالي مثل هذه القصص .

بارك الله فيك اخي ابو يارا .

اشكرك على هذه القصه الرائعه

الله يعطيك العافية ..

روعة القصة والقصيده اروع

تقبل مروري ..

العود عود وطايحـاتٍ سنونـه ..!..!.. من كثر ما يرقد على جرة الذيب
عودٍ مهرقل والعرب ما يبونـه ..!..!.. ياعود ما لك في طويل المراقيب
اقفى شباب العود راحت حتونه ..!..!.. مثل اليتيم اللي بكا ما له مجيب
جداه ينثر دمعة ٍ مـن عيونـه ..!..!.. غريق موجٍ ما لقا له مقاضيـب

انشهد انها ملكعه .. قصة وابيات جميلة بسراحة .. يعطيك العافيه