[center](علامة الرجولة)
هذى قصة لواحد خطب بنت عمه وقالت له ما تدخل عليّه لين تعلمني وش علامة الرجولة الرجال فكر عدة مرات ماعرف الجواب قالت خلاص رح اسئل عن علامة الرجولة وإذا عرفت الحل تدخل بي قال اتفقنا راح الرجال لقبيلة ثانية وسئل واحد عن علامة الرجولة ماعرف الجواب ,سئله عن قبليلة ثانية قال الرجل لها طريقين طريق قصير بس يتوّهك وطريق طويل بس سهل مايتوهك قبل يروح الرجال قال له مثل( درب تدله ولادرب تضيعه) بعد ماو صل الرجال للقبيلة الثانية سئل رجل منهم عن علامة الرجولة ونفس الشئ ماعرف الجواب ، سئلهم الرجال عن قبيلة ثانية وصفّوه الطريق وقبل يمشي من عند الرجل اعطاه الرجل مثل قال له ( شيئ مايعنيك لاتسئل عنه) وصل الرجال للقبيلة لقى الشيخ حق القبيلة رابط بنته مع الكلب عند الخيمة المهم الرجال تقهوى عند الشيخ ولاسئله عن سبب ربط بنته مع الكلب ولاسئله عن المثل المهم الرجال اسئتذن عشان يمشي قاله الشيخ ليش ماسئلتني عن سبب ربط بنتي مع الكلب ، الرجال خذا بالمثل الي يقول شي مايعنيك لاتسئل عنه قال الشيخ صدقت لكن لازم اعلمك وش السبب(كان بينا وبين قبيلة ثانية غزو وهم مايدرون انا بنغزاهم واللي علمهم هي بنتي وقلت لازم تأخذ جزاها وربطها مع الكلب عقاباً لها) وتعال تشوف وش كثر الجثث كل من سئلني عن بنتي والكلب قتلته وانت ماسئلتني لكن بقولك شيئ واحد ترى علامة الرجولة الصبر المهم الرجال الآن عرف الجواب حق علامة الرجولة من الشيخ المهم عطاه الشيخ عتاد وزاد وقاله الله يستر عليك بعد شهر رجع الرجال لزوجته في آخر الليل ولقى رجال نايم زوجته في الفراش داخل الخيمة قال في نفسه اذبحهم كلهم ولا اطلّق المره المهم قال أجل أنام للصباح وبعدين أفكر وش اسوي، بعد ماطلع الفجر صحت زوجته وصحت الرجال اللي كان نايم معها وقالت له صح ابوك شفه نايم برا. السالفه ان الرجال اللي نايم مع الزوجتة كان ولد الرجال نفسه من زوجته الأولى وكان دايم ينام مع عمته في غياب ابوه خوفاً عليها. المهم بعد ما سلم على زوجته سئلته قالت له بشّر عساك عرفت علامة الرجولة قالها ايه عرفت علامة الرجولة ولو اني ما عرفت علامة الرجولة كان ذبحتك وذبحت ولدي معك لكن علامة الرجولة (الصــــــــــــــــبر)
هذه قصة منذ القدم فالرجولة ليست بالشجاعة وإنما بالصبر.
وفق الله الجميع مع أطيب تحياتي,,,,,,,,,,,,,,,

لا شك أن الحلم والصبر من الصفات
التي يجب أن يتحلى بها كل الرجال

مشكور علا القصه الحلوه ايوناصر