(( قصة ابن قاسم ))


رجل تزوج من بنت وعمرها عشرين سنة وهي الثانية فوجد رجل في بيته مع زوجته العشرينية فقتله وهو من اسرة ال فرحان ..

فسجن وعمره فوق 70 سنة وحكم عليه بالقصاص ؟؟

فانشد فيه الشاعر عبدالرحمن السنحاني بقصيده تدمي القلوب وناشد اهل المقتول بالتنازل والصفح لوجه الله عز وجل فصفحوا واعتقوه امام ولي العهد سلطان بن عبدالعزيز يحفظه الله ...




ياعزيز الجلال اللي لك الأمر كله
مالنا إلا أنت يااللي كل ابونا نساله
في يدك كشف الأضرار ودوى كل عله
والفرج منك والمومن عليك اتكاله
هاضني قصــةٍ فيها قضية وأدله
رب خارج سجين ٍ ضاق صدره و باله
ابن قاسم بـ سجن أبها زمانه حبل له
لين كسّر مجاديفه وثنى عقاله
شايبٍ بان دق الجسم من عقب جله
من ورى عدة البيبان حالته حاله
في السجن والمرض زود على الطين بله
والبلا من يمينه والخطر من اشماله
بين ضيقٍ وضيم وفي حياةٍ ممله
وبين بلوى ودوامه وفرقى عياله
كل يوم ٍ وذا لسعاف جاين يشله
والدكاتر تقول الله يلطف بحاله
وكلما ناموا العربان نومه يزله
فزعة الله ولا حظٍ يدور زواله
في حرى الله ثم حروة اطياب الجبله
آل فرحان يا قصرٍ يظلل اظـلاله
يا آل فرحان ذبوا الريع وانتوا هلٍ له
خلوا الموقف اللي بان يعرف رجاله
من بلته البلاوي في محله و حله
غير منهو لها متعنياتٍ رحاله
دخلة البيت بالغرات جرمٍ وزله
عبروها وعاد العلم الأعبر لحاله
يا ابن فرحان هادي حط نفسك محله
شفت ما شاف ثم جاري لك اللي جراله
شايبٍ وصَّل السبعين واقروا سجله
وايش تبغون ياهادي بعودٍ هلاله
عجلوا بالفرج والجمل للي يدله
لا يفوت الثواب ولا تفوت الجماله
الجمايل تعزّ الشخص ماهي تذله
والعفو غير من طلبة احقوق وعداله
ياشيوخ القبايل كل قصرٍ وظله
يا الأكابر و يا الأعيان كـلٍ وفاله
ياقبايل ياثقل النايفات المطله
لا تخلون مضهودٍ تضايق مجاله
الزهم شامل ٍوالوضع من راد حله
يبشر بالأجر والناموس للي سعى له
ابن قاسم هذا علمه وذا اللي حصل له
مثل ذا واجبٍ ناقف معه وانعنا له
قالها شاعرٍ مافي معانيه خله
ابن قربع يحب انه يوصل رساله

تقبل مروري

مشكور اخوي ابو غريب على المرور العطر ولك خالص شكري ,,,,

قصيدة معبرة عن موقف صعب

الاداء ممتاز

يعطيك العافيه اخي علي موضوعك دائما مبدع بطرووحك !!!

قصة مؤثرة تكسر قلب من حجر
اشكرك أمير الخيال على التميز
ونسأل الله أن يكفينا وأياكم شرالفتن

اشكرك اخي امير الخيال على الطرح الموفق