قصيدة يـآ دار

يآ دار وين اللي هوى القلب يآ دآر ؟!
يظلم علي الكون لا فآرقوني
من وين ما يممت يا دار محتآر
وشلون ابلقى مثلهم يشبهوني ؟؟
اللي لقاهم يشفي الهم والنآر
وشلون ابقوى بعدهم علموني ؟؟
ملت تعآبيري (تعب) بعد واسفآر
في ديرة الأغراب ناخت متوني
وجدي على ربع(ن) لهن خوة احرآر
اللي على وضح النقا رآفقوني
قوم(ن) لهم في متحف (المجد) تذكآر
والنآس تعرف فضلهم وانشدوني
اللي ليا نآخ المتن كثر الاكدار
تكفي ليا مروا ببآلي شفوني
واللي ليا قل الحكي كان لي كآر
من (نظرة) اعيوني مداهم : قروني
واللي ليا خآن الخوي وابعد الجآر
من قبل ما عوز السند سآندوني
والله عدآهم لو على الموت مختآر
يآ جعلني ميتن ليا خيروني
مليت اقول ان الزمن دوم دوآر
واثره على الضيقه موقف ظعوني
مشتآق للي يآقف الموقف الحآر
هم وينهم يآ دار والله اوحشوني
من حق عيني تبكي البعد يا دآر
من حقها (تلعن) حياتي عيوني !!

صح السانك الله يسلم يدك