ياقل نومي عقب زود التفاكير

لانمت ليل ولا نهار اهتــنيبه




قضيت وقتي بين هم وتكادير

وبين الجروح اللي في قلبي عطيبه




وأن قلت بمشي جا بدربي معاثير

دربي ظلام وصعب ما ينمشي به




وان جاني الدكتور بأخذ تقارير

ما يكشف اللي بداخلي مبتليبه




لو كسرت عيني من الدمع تكسير

والقلب يشكي كل هم يصيبه




ماظن احصل من يجي دون تأخير

حتى يخفف من ثقيل المصيبة




دام الذي حبه يفوق التعابير

صارت علومه غير الأول غريبه




تشتاق له ذيك العيون المساهير

و ما شفت أنا بالزين شوق يجيبه




الله أكبر من خفايا المقادير

ورتني أحوال الزمان العجيبه




أصبح حبيبك فيك يحتاج تذكير

من شان يذكر في خياله حبيبه




يا عونة الله يوم مالي مذاخير

واللي ظلمني جعل ربي حسيبه