[youtube][/youtube]

يا بني عمنا قحطان منا ومنى
انتو الي تشيلون الحمول الثقيله

يال سليمان يا ربعي زبون المجنى
افزعولي ترا معاد فاليد حيله

من ورا الباب مسجون وقيدي مثنى
والحكم صدقوه اهل القضى والفضيله

قامت تحافني الاقدار منى ومنى
والبلاوي بلتني بين يوم(ن) وليله

((يا بني عمنا قحطان منى ومنى
انتو الي تشيلون الحمول الثقيله))


يا شيوخ القبيله في ذرى الله زبنا
ثم ذراكم من حداد السيوف الصقيله

ردو العلم يا ذربين الافعال عنا
الله يجمل الي ناوي(ن) بالجميله

وصلو العلم للمنعور حاكم وطنا
قايد المملكه جعلت اسنينه طويله

((يابني عمنا قحطان منى ومنى
انتو الي تشيلون الحمول الثقيله ))


العفو منه والعرفان والشكر منا
ولسمو سيدي نايف ولابنه وكيله

يبن جافي المقدم ربعنا لا تونى
انت فزعت بني عمك وشيخ القبيله

وانت يا سيف ابن النوره على الوقت عنى
دامك الي ليا مال الحمل ترتكيله

((يابني عمنا قحطان منى ومنى
انتو الي تشيلون الحمول الثقيله))

وانت يا عايض القنطاش وقتك تسنى
فكني من شفاة السيف باية وسيله

وانت ما فيك يا ملوح شك وظنى
ندري انك من الي يفعل المستحيله

وانت يا بو وسكيته عند بيتك وصلنا
افزعلنا وعقل الشيخ مثلك دليله

((يابني عمنا قحطان منى ومنى
انتو الي تشيلون الحمول الثقيله))


وانت يا شيخنا ابن جلاله الرعد حنا
وانت شيخ المشايخ وانت مزبن دخيله

ولو تقولون يبن عيده ويش تمنى
قلت شوفت وراعيني ثواني قليله

وان نشدتو عن ابن جراب فانتو وحنا
والله ان ودنا فالحال نخلي سبيله

جاكم العلم يا ربعي زبون المجنى
ولا انا والله معاد فاليد حيله

((يابني عمنا قحطان منى ومنى
انتو الي تشيلون الحمول الثقيله))





هذي قصــيده لـ سعد بن شفـلوت
موجهه بلســان / فهد بن سـيف ينخى مشايخ قحطـان
للســعي في عتق رقبته
وقد ذكر معه احد أبناء يآم من المحكومين بـ القصاص

لا حول ولا قوة الا بالله
الله يعينه ويفك اسره وقيده

طيب واهل القتيل وش يجيرهم في مصيبتهم.

الله يجيره في مصيبته ويعتق رقبته...


ويصبر اهله قولو امين ...

لا حول ولا قوة إلا بالله .
اللهم اكفنا شر بلاوي الدنيا .