الانسان تبقى له الذكريات التي عاشها وقدكانت اجمل أيامي قضيتها في الجنوب بلاد الطبيعه وبالأخص في (نجد الصغير) بيشه التي ترعرعت فيها وقضيت بها اكثر من 35عام طفولة وشبابا وكان اهلها اهل الكرم والطيب وحسن الجوار فتلك ذكريات لاتنسى ،اذ يسلبك جوها الجميل ،وبرها البكر ،وصايرتها الشامخه،ونخيلها الباسق، وسدها العظيم،وأهلها الكرام،ومااحلاها اذا هطل بها الغيث فيتحول ترابها الى تبر احمر تفوح منه رائحة الطين المتوحل بالمطر.
ولذا اهدي لهم مشاعري المتواضعه.

القصيده


رحلنا من ديار الكـرم ديـرة الاجـواد
ديارٍ يحـن القلـب لا سمـع طرياهـا

ديار الجنوب اللـي هواهـا بقلبـي زاد
عشقت الديار اللي أنا امـوت منساهـا

تحصل بها جوٍ ينسنـس هـواه بـراد
يداوي جروح الطب ماحصـل دواهـا

سحاب الجنوب ليا ترزم علـى لوهـاد
تسيل الشعابه وسيلها يجـرف اعلاهـا

تشوف البـدو نقالـة البيـت بالاعمـاد
طروشٍ تباشر بالحيـا عقـب جدباهـا

تفيض المعافي وسيلهـا هـادر بالـواد
هدير البعير اللي مـع النـوق يتلاهـا

به الورد والأزهـار والعـرر المعتـاد
وسـدرٍ ظلالـه ليلـةٍ غـاب قمراهـا

وياحن قلبي حـن جمـسٍ مـع كـداد
حنين الخلوج اللي ولدها عشـا عداهـا

يسوقـه عبيـطٍ لامشـى كيـم العـداد
يطى به حـزومٍ ماحـدٍ قـد توطاهـا

والاياوجـودي وجـد امٍ علـى لـولاد
ولدها الوحيـد المـوت شلـه وخلاهـا

على كشتةٍ بالمتـن لاحثحـث الرعـاد
شماليل وبله موحـلٍ قفـر صحراهـا

الى اصحا شببنا الضو من يابس الاعواد
تنحـر دلال بنهـا فــار مااطفـاهـا

مع طيبيـن طيبهـم واصـل الأجـداد
اذا قيل فزعه لاحـت الشمـغ بسماهـا

واذا ضاق صدري شمت في عاليٍ منقاد
اخيل البـروق اللـي عيونـي تمناهـا

مخيـلٍ علـى دار المواليـف مايـزداد
الى ناض برقه ناض بالقلـب ذكراهـا

وليف غرس حبه بوسط الحشـا بوتـاد
احبـه واداري خاطـره دوم وادراهـا

اجيها وعيني ساهره مااهتنـت برقـاد
على ضـو بـدر الليـل والا بظلمهـا

اجيهـا واحصـل عاشقيـنٍ لهـا رواد
حلاها جعل غيري من النـاس يهواهـا

بيوت القصيـد ان جيتهـا كلهـا وراد
ومـن زود حبـي ماتغزلـت بسواهـا

تفاخـر بهلهـا يـوم يحمونهـا بزنـاد
رجالٍ تقـدم روحهـا لجـل تحماهـا

أنا عادتي ماافضح حبيبي ولـو انقـاد
على حر صحرا البعد واذوق رمضاهـا

وانا بذكر اسمه خوف من غيبة النقـاد
ومدام ان غيري من هل العشق يهواهـا

مليحه عشقها كل حـيٍ مـن الاشهـاد
خدومه لهلها وكـل ضيـف ٍبينصاهـا

هذيك الجمال اللـي هواهـا دوا لكبـاد
بها الصايره والـوادي اللـي تمثناهـا

أنا احب بيشه يوم شفنـا بهـا لمجـاد
وشفنـا اهلهـا طيبهـم قـد تعـداهـا

كرامٍ تعز الجـار والضيـف والمرتـاد
رجالٍ روابعهم مـع النـاس طرياهـا

علوم النقا والطيـب والمرجلـه وقـاد
يشب المراجل صابـرٍ يـوم يصلاهـا

ترى الطيب مثل الصيد كلٍ يبي يصطاد
وماكل صياد رمـى صـاب مخطاهـا

وجمر الهوى حـيٍ ولاينطفـي برمـاد
ونار الهجر تحرق قـدم مـن توطاهـا

ترى من تذوق تمر بيشه بهـا و الـزاد
حشا مانساها دام قد شرب مـن ماهـا

قضينا بها وقتٍ مـن العمـر ماينعـاد
حياةٍ بها ذكرى مـن الحـب عشناهـا

رساله اوصلهـا لبيشـه وعلـم وكـاد
كرمكم رفع بيشه على هام مـن جاهـا


شعر/مبارك بن فايز بن مشيط



منقول

سلمت يداك يا الصمت ذاتي والله ايام جميله وروعه وحياه نظيفه ...
وقلوب صافيه وكلهم يد واحده ...


يعطيك الف عافيه ....

الله يعطيك العافيه

بيشة ما من وراها عيشة
زمان اشتهرت بيشة بالنخيل وكثرة التمور كان التجار وأهل القوافل يأتون بيشة مروراً بها ويتزودون بالعتاد ثم يذهبون إلى اليمن للتجارة فكانو يرددون هذه العبارة ( بيشة ما من وراها عيشة ) لأنه لايوجد أي منطقة بعد بيشة من الجنوب إلا اليمن .
فبيشة لها ماض يشهد لها التاريخ
اشكرك الصمت ذاتي .

شكرا والله يعطيك العافيه

مااقول غير جمل الله حالك ياصاحب القصيده وصح لسانك والله يعطيك العافيه اعجبتني القصيده ياخوك واللي عجبني زياده هالبيت
والاياوجـودي وجـد امٍ علـى لـولاد
ولدها الوحيـد المـوت شلـه وخلاهـا

اولا عذرا علي التاخر في الرد لانشالي اليومين الماضيه
اشكر الجميع علي المرور وشرفني تعطيركم متصفحي

الصفري اصبحنا نشتريه بعد كنا نهديه.
فالله يرحمنا

راجح والهوي شرقي مشكورين علي المرور