طبعا هي 4 فنون يتقنها الشعب السعودي

















واللقافه هي عبارة عن شي مخفي داخل جسم الانسان لم يتوصل العلماء لااسمه حتى الانسان


يجعل الانسان في حالة تلهف وشفاحه لشيء يود سماعه من شخص اخر


والله يافي ناس اللقافه عندهم تمشي ملييييووون تحس تصخنه لو مايسأل ويتلقف وشو ليه كيف متى


مثلاً تأخرت على ربعك بالاستراحه ولاماحضرتي عزيمه مارديتي على جوالك


تجي من بكرة يشوفك ولايتصل عليك


وراك ماجيتا . ؟ منهم هالناس ؟ كثيرين ولاواجدين ؟


وش عشيتوهم ؟ متى جوكم ؟ متى راحوا ؟ يقربون لكم ؟


وهكذأ من الاسئلة اللي لاتنتهي ..












مقوله سمعتها ومدري هي صح ولا لا

يقولك مافيه شعب زي الشعب السعودي يتقن ميزة التحطيم


وهذي نقطه ايجابيه تحسب لنا ع الاقل تفوقنا في شي

لا وتحطيمات الشياب تجي غيييييييييير تحس تنلخم عقبها ماتدري وش تقول


اشين شي جدي لاصار قافله معه وقسم صواريخ وقذائف تحطيم تصيحك الا حبتين


ولاقاعد مع واحد تسولف معه بكل براءة تعلمه انك مثلاً شريت شي جديد وكذا فجأه يقول لك طيب وش اسوي لك >


الشرهه ع اللي يسولف معك انت وراسك


ولا منجسم بالسالفه وتشرح فجأه واحد من المبزره اللي قاعدين معكم يقول


ماسمعتوا اخر خبر ؟ < يعني كأن مافيه واحد هنا قاعد يسولف > ساعتها ودك


تفقع وجهه باقوى ماتملك :














فن يعمد اليه احد المتحاوران بحيث ان جسمه يكون معك بس عقله موب لمك


> يعني يعطيك جوك بس مايدري وش تحسي عنه


تسأله عن شي يقول هاه وشو وش تقول ؟ ... يقول لك توني قايلك كذا ماسمعت ...


قال معليش ماانتبهت > الا والله تسلك ...


ولا قاعد تشرح له ومتحمس ومدري وشو تلقآه فجأه يضحك تقول ليه تضحك يقول ليه ماكنت تقول شي يضحك تو >


اكبر مثال ع التسليك


متحمس جاي له تقوله سالفه وخلصت يقولك ايه كمل كمل >


السالفه قضت وانت كمل > تسليك على مستوى























هو عبارة عن كلمة تنطقها يعصب منها السامع


لكن سرعان ماتتدراك التعصيبه وتبدلها بكلمه ثانيه يتحول بعدها الغضب الى رضا


عآد الترقيع آعتبرهـ آنآ موهبه من الله لآن موب كل واحد يعرف يرقع ..


لان فيه الناس الله المستعان ترقيعهم على غير سنع او بالاحرى مايمشي على غيرهم




ومرة بعد منسجمه مع شرح المعلمه ولاوحده من البنات نقزت عند اذني


قالت اسأليها متى بتعطينآ شهادات التكريم > بالله هذا وقته


قلت طيب طيب ومادريت الا المعلمه تقول وش عندكم وش تحكون فيه قلت


هاه ابد تسألني عن برنامج متى يجي قالت وشو هذا البرنامج


قلت ابد برنامج كواليس يجي في قناة ار تي 7 > ادعسسس يالترقيعه ومشت فعلا
بس احس الشيبآن ماتمشي عليهم الترقيعه لو اقعد ارقع لين بكرة احس ابطي عظم يصدقوني


شعب رائع فعلاً يتقن فن الترقيع بآنوآعه


قلت كلمة وحسيت انها ماعجبت اللي حولك ~> الترقيع هو الحل السريع



مقولة الهوي شرقي