اخواني الكرام احد الايام رحت ومعي عيالي الصغار للسوق يبون شرطان سوني بلاستيشن 0المهم دخلنا السوق يوم وصلنا باب المحل كان فيه وحده واقفه عند الباب وتكلم بالجوال والشباب الله يهديهم اللي يوازن شماغه واللي يزيّن شعره واللي يمش خشّته كان قدامي شايب كبير قال للبنت تستّري يابنيتي0انا اللي بقلبي على لساني وهذا دايم يحطني بمواقف محرجه قلت له وش عليك منها ومار يطير في قال ويشدريك من تكلم قلت تكلم امها منتبي تكلم يعني قال مدري عنك تركته ودخلت للمحل واخذت اغراض العيال وطلعت وطلعت القصيده المتواضعه وفيها نوع من الهزل واقسم بالله ان هذا ماحصل 0واقول

ياللي يمينك بها الجوال
ويسراك ماسك بها الشّنطه

مالوم من كلّمك لوقال
الزين في وجنتك غطّه

واقول للي هرج بخبال
لسانك على الزين لا تمطّه

واقف وفي وقفتك مختال
والناس من زينك بشطّه

مانيب انا واقفن مخيال
وناسن تغازلك منحطّه

انا معك واقفن رجّال
من كلمك نذر لابطّه

يابنت انا صادق وفعّال
حبيبي بقلبي احطّه


وسلامتكم والعذر والسموحه

اشكرك اخي ابو غريب
كما عهدناك مبدع

موادع

اشكرك علي مرورك لموضوعي

قصيده معبره وجميله
شكرا علي الموضوع تقبل تحياتي

ابو غريب على حد علمي انك باقي عزوبي
من وين جالك عيال صغار

ابو ياسر مو لأزام اتزاوج
واكيد فيه اقارب اذا خشيت عندهم يقولون تفضل مافيه الأ عيالك صح

اقرب مخرج

هههههههههههههههههه
يعطيك العافيه لأزم من المخارج....